Familja e Haki Imerit, veprimtarit të vrarë të Lidhjes Demokratike të Kosovës, ka publikuar edhe një dokument, ku shihet se ku ishin shpërndarë miliona marka në luftën e fundit në Kosovë.
Në dokumentin e fundit, shihet se 3 milionë marka i kishte pranuar Dervish Sadiku, për të cilin familja ka dyshime për emrin e vërtetë.
Sipas tyre, thuhet se “prapa nofkës së Dervish Sadikut gjatë luftës fshihet Kadri Veseli”, përcjell Bota sot.
Edhe pse në listën e dishepujve ishin 12 veta, sipas familjes Imeri, asnjë nga ta nuk rezulton të jetë Dervish Sadiku (Burim Mermellaku).
Postimi i plotë i familjes Imeri në Facebook:
Dervish Sadiku (Burim Mermellaku) çfarë pozicioni ka mbajt në Shtabin e Përgjithshëm? Flitet se Shtabi ka pas 12 veta (dishepuj) dhe asnjëri nga ata nuk po rezulton të jetë Burim Mermellaku, ndërsa në planin e mbledhjes së mjeteve po duket të jetë një njeri i rëndësishëm i Shtabit të "Madhërishëm".
Po thuhet se Kadri Veseli fshihet prapa nofkës së Dervish Sadikut gjatë luftës edhe pse Dervishi qenka Burimi miku i Sokol Bashotës ...Koha do ua çjerrë maskën të gjithëve.