Profesori dhe ligjëruesi në Universitetin e Parisit Nezir Kraki, ka thënë se lufta e Kosovës për liri ishte e drejtë.
Por, sipas tij, “çoroditja e disa trimave pas luftës i ka shkaktuar dëm tragjik Kosovës dhe e ka devijuar qëllimin e vet luftës për liri e shtet”, përcjell Bota sot.
Ai ka thënë se “kushdo që akuzohet për çoroditë e pasluftës, hairin ia paftë” dhe se drejtësia do të fitojë.
Reagimi i Krakit në Facebook:
Lufta jonë ka qenë e drejtë...
POR, duhet edhe të pranohet fakti se çoroditja e disa trimave pas luftës i ka shkaktu dëm tragjik Kosovës dhe e ka deviju qëllimin e vet luftës për liri e shtet. Edhe më zi, krahas këtyre ish-trimave janë fuqizu edhe shumë mercenarë e sekserë që kurrë pushkë as luftë me sy s’kanë pa.
Madje sot, falë tyre, këtyre trimave dmth, edhe ish bashkëpunëtorët e zellshëm të regjimit serb (apo pasardhësit e tyre) janë rehabilitu e fuqizu, dikush diplomat, dikush analist, dikush profesor, dikush deputet...
Kështu që, kushdo që akuzohet për çoroditë e pasluftës, hairin ia paftë dhe drejtësia fitoftë!