Ministri i Shëndetësisë, Armend Zemaj, përmes një postimi ka shprehur ngushëllime për vdekjen e Ilir Gjokaj.
Zemaj ka shkruar se të gjithë institucionet po punojnë për menaxhimin e pandemisë, duke thënë se Policia e Kosovës po jap një kontributë të jashtëzakonshëm, shkruan “Bota Sot”.
Postimi i plotë:
Menaxhimi i pandemisë Covid-19 është një punë e përbashkët e shumë institucioneve dhe shërbimeve të vendit tonë. Në këtë betejë të vështirë një kontribut të jashtëzakonshëm janë duke e dhënë edhe Policia e Kosovës, e cila ka angazhuar katër mijë pjesëtarë të saj për të përkrahur institucioinet shtetërore në zbatimin e masave kundër Covid-19 dhe në ruajtje të shëndetit të popullatës. Për fat të keq, Covid-19 ka prekur edhe pjesëtarë të PK-së dhë një nga ta, miku im polici Ilir Gjokaj që ka shërbyer në Stacionin Policor të Gjakovës ka humbur betëjen me virusin. I shprehim ngushëllimet më të sinqerta familjes dhe Policisë së Kosovës për këtë humbje të pakompensueshme, duke bashkëndjerë me ta në këto momente të vështira.
