Fluksi i qytetarëve që për destinacion kishin bregdetin shqiptar, mëngjesin e së shtunës ishte mjaft i madh.
Edhe pse një mot me reshje shiu, qytetarët e Kosovës nuk janë ndalur as këtë fundjavë për të pushuar në bregdet.
Qytetarë të cilët kalojnë për çdo ditë kufirin, thonë se çështja e pandemisë është ekzagjeruar.
Shumica e udhëtarëve nuk kishin masa mbrojtëse ndaj koronavirusit.
E të tjerët të cilët kaluan këtë pikë kufitar thonë se janë duke i marr masat për t’u mbrojtur nga virusi.
Nga ekipet mjekësore të cilat qëndrojnë në pikën kufitare kanë thënë se gjatë vikendeve deri në 15 mijë shkon numri i qytetarëve që u matet temperatura.
Prefekti i qarkut të Kukësit, Zenel Kuçana, ka thënë se të premten dhe të shtunën ka pasur një rritje të numrit të shtetasve të huaj, raporton koha.
Nga Drejtoria e policisë kufitare që mbikëqyrin pikat kufitare në: Vërmicë, Qafë Prush, Qafë Morinë, Kullë, Shishtavec e Glloboqicë, kanë njoftuar se vetëm gjatë javës së fundit janë kontrolluar 51 mijë e 146 persona që kanë hyrë në Shqipëri.
