Analisti i çështjeve politike Vigan Qorrolli, ka thënë se dy zyrtarët e lartë të Lidhjes Demokratike të Kosovës, Vjosa Osmani dhe Lutfi Haziri, kanë dalë kundër qeverisë së udhëhequr nga bashkëpartiaku i tyre Avdullah Hoti.
Qorrolli ka thënë se profiterët e LDK-së e kanë zakon t’i godasin të pavarur dhe kritikuesit e vendimeve të tyre, por jo edhe kupolën, përcjell Bota sot.
Reagimi i Qorrollit në Facebook:
Dy eksponentë të lartë të LDK’së (Haziri dhe Osmani) kundër politikave të qeverisë së udhëhequr nga partia e tyre, prej një nënkryetari të votuar elektronikisht (me e-mail) — kryeministrit Hoti.
Ortodoksia dhe profiteret e LDK’së e kanë zakon me i godit’ të pavarurit dhe kritizerët e vendimeve të saj — por jo edhe kupolen.
Kingji i butë i thith dy nana, thotë një proverb i lashtë — por LDK e rrëzon këtë teori, i thith të gjitha nanat e mundshme!
