Presidenti, Hashim Thaçi është takuar me profesorin, Nusret Pllanën.
Pllana para presidentit ka prezantuar projektin e Memorialit për 1432 fëmijë të Kosovës, të vrarë nga forcat policore dhe ushtarake serbe, shkruan “Bota Sot”.
Thaçi ka thënë se asnjë nga ekzekutuesit e këtyre krimeve nuk ka dal para drejtësisë.
Postimi i plotë:
Profesori Nusret Pllana më prezantoi projektin e Memorialit për 1432 fëmijë të Kosovës, të vrarë nga forcat policore dhe ushtarake serbe në vitet 1981-1999. Asnjë nga ekzekutuesit e këtyre krimeve shtetërore serbe nuk ka dalë ende para drejtësisë vendore dhe as para asaj ndërkombëtare. Pa dënimin e kriminelëve serbë dhe pa drejtësi për viktimat e atyre krimeve nuk shërohen as dhimbjet e plagëve të luftës. HTH
