Deputetja e VV-së, Fatmire Mulhaxha Kollçaku, ka treguar shkakun se pse deputetin e Lëvizjes Vetëvendosje, Gazmend Gjyshincën e gjetën të papërgatitur deputetët e LDK-së në Hollin e Kuvendit.
Ajo në postimin e saj në Facebook, ka publikuar një pjesë të biografisë së Gjyshincës për ta informuar kreun e LDK-së, Isa Mustafën.
Postimi i plotë:
Vitet e kaluara në shkollim dhe ngritje profesionale jashtë Kosovës, ishin një ndër shkaqet që e gjetën të papërgatitur për një goditje kaq të ulët, deputetin zotëri, Gazmend Gjyshinca.
Me këtë rast e bashkëngjis një pjesë te CV-së së Gazmendit sa për informim të Kryetarit të LDK-së, Isa Mustafa. Ai ende pa u informuar mirë rreth rastit të sulmit nga ana e deputetëve të LDK-së ndaj deputetit të VETËVENDOSJES!, bëri dje një postim që nuk i bën nder.
__
Gazmend Gjyshinca është lindur dhe rritur në Vushtrri. Është në përfundim të Magjistraturës në Institutin e Bashkimit Evropian në kuadër të Universitetit Marmara në Stamboll, me fushë të studimeve Politika të BE-së dhe Marrëdhënie Ndërkombëtare. Gazmendi është njohës i gjuhës angleze dhe turke, poashtu zotëron njohuri bazike të gjuhës frënge.
Për vite ka qenë i angazhuar si aktivist i shoqërisë civile në Kosovë dhe rajon. Në të kaluarën ka punuar si hulumtues dhe asistent i projekteve në Grupin për Studime Juridike dhe Politike- GLPS në Prishtinë, si dhe ka qenë anëtar i Asociacionit Ndërkombëtar të Studentëve të Shkencave Politike- IAPSS. Në nivel lokal ka qenë i përfshirë në projektin për ruajtjen dhe rigjallërimin e Kalasë së Vushtrrisë.
Ai poashtu ka marrë pjesë në vizita studimore dhe përvoja pune në institucione si: Universiteti i Parisit-Sorbonës, Universiteti i Gothenburgut, Parlamenti Evropian në Bruksel, Qeveria e Turqisë, si dhe në Kuvendin e Kosovës.
Në qershor të vitit 2019 është pranuar në programin akademik Caux Scholars Program në Zvicër dhe drejtimi që po ndjekë quhet “Conflict Transformation and Peacebuilding”.
