Ministri i Shëndetësisë Armend Zemaj, ka konfirmuar se mbrëmë gjatë aksionit me Inspektoratin qendror dhe atë lokal, të mbështetur nga Policia e Kosovës, janë gjobitur dhe mbyllur shumë kafiteri.
Ato janë mbyllur për shkak të mos respektimit të masave anti-Covid. Zemaj ka paralajmëruar se ashpërsimi i zbatimit të masave do të vazhdojë, përcjell Bota dot.
Ai ka ftuar bizneset që të zbatojnë masat për parandalimin dhe përhapjen e pandemisë, në të kundërtën do të ketë ndëshkime.
“Mbrëmë, bashkë me Inspektoratin qendror dhe atë lokal, të mbështetur nga Policia e Kosovës isha në terren për të parë nga afër ashpërsimin e zbatimit të masave, të cilin e paralajmëruam gjatë ditës! Pas inspektimit, për shkak të mosrespektimit të masave, u gjobitën dhe u mbyllën shumë kafiteri! Ky ashpërsim i zbatimit të masave do të vazhdojë! Prandaj, për ta ruajtur shëndetin dhe jetët tuaja, kërkoj nga të gjitha bizneset dhe qytetarët që të zbatojnë masat për parandalimin dhe përhapjen e Covid-19, përndryshe do të ketë ndëshkime! Lufta për ruajtjen e shëndetit publik nuk është luftë vetëm e institucioneve dhe e mjekëve por e të gjithëve!”, ka shkruar ministri në një postim në Facebook./BS
