Anulohet gjykimi për mashtrim në votime, njëri i akuzuar i infektuar me Covid-19 - Bota Sot
Anulohet gjykimi për mashtrim në votime, njëri i akuzuar i infektuar me Covid-19

Aktuale

Anulohet gjykimi për mashtrim në votime, njëri i akuzuar i infektuar me Covid-19

Më: 3 gusht 2020 Në ora: 13:40
Foto

Është anuluar gjykimi ndaj pesë të akuzuarve për mashtrim në votime, Mensur Avdullahu, Lulzim Ademi, Driton Xhemaili, Bilall Musliu dhe Nexhmi Jusufi, i paraparë për të martën në Gjykatën Themelore në Prishtinë.

Pesë të akuzuarit po dyshohen se me 12 dhjetor 2010, në qendrën e votimit në shkollën fillore “Nëna Terezë”, në Prishtinë, me rastin e numërimit të votave të kandidatëve të subjekteve politike kishin hequr dhe shtuar 738 vota kandidatëve të preferuar, raporton “Betimi për Drejtësi”.

Kryetari i trupit gjykues, gjykatësi Naser Foniqi për “Betimi për Drejtësi” njoftoi se njëri nga pesë të akuzuarit e kishte njoftuar gjykatën se nuk mund të ishte i pranishëm, për shkak se ishte infektuar me Covid-19.

Për këtë arsye, gjykatësi Foniqi tha se paraprakisht e kishin anuluar këtë seancë, ndërsa seanca e radhës pritet të mbahet me 8 shtator 2020, në pra 09:00.

Sipas aktakuzës së ngritur me 5 maj 2015, me 12 dhjetor 2010, në qendrën e votimit në shkollën fillore “Nëna Terezë”, në Prishtinë, ish-kryesuesi i këtij vendvotimi Mensur Avdullahu si dhe ish-anëtarët e tjerë të komisionit të partive të ndryshme: Lulzim Ademi, Driton Xhemaili, Bilall Musliu dhe Nexhmi Jusufi kishin falsifikuar rezultatet e zgjidhjeve.

Në aktakuzë thuhet me rastin e numërimit të votave të kandidatëve të subjekteve politike kishin hequr dhe shtuar 738 vota kandidatëve të preferuar dhe atë nga kandidatët e subjekteve politike LDD 1 votë, AKR-PD-PSD-PPI-PPK-PNDSH-PGJK 12 vota, LDK 535 vota, VV 40 vota, AAK 48 dhe PDK-së 102 vota.

Për këto veprime, prokuroria pesë të akuzuarit po i ngarkohen me veprën penale “mashtrim në votime”, nga neni 180 lidhur me nenin 23 të Kodit Penal të Republikës së Kosovës. 

Shfaq komentet
comments powered by Disqus
Sot mund të lexoni Shfletoni kopertinat