Ministri i Brendsgëm, Agim Veliu, është takuar me kryetarin e Pejës, Gazmend Muhaxherin
Ai përmes një shkrimi në Facebook, ka treguar se me Muhaxherin kanë biseduar për situatën e pandemisë dhe për masat e ndërmarra për tejkalimin e kësaj situate.
Postimi në Facebook:
Sot prita në takim kryetarin e Komunës së Pejës, z. Gazmend Muhaxheri, me të cilin diskutuam për rrjedhat e përgjithshme politike në vend, me theks në situatën e pandemisë dhe për masat e ndërmarra për tejkalimin e kësaj situate mjaft të vështirë dhe të ndjeshme për vendin tonë.
Njoftova kryetarin Muhaxheri për takimin e fundit të Grupit Ndër-Institucional për Menaxhimin e Incidenteve (GNMI), në të cilin, pos tjerash, u kërkua edhe rikthimi në funksion të plotë i shtabeve emergjente komunale, të cilat gjithsesi se duhet të udhëhiqen dhe koordinohen nga kryetarët e komunave.
Në këtë takim diskutuam po ashtu edhe në lidhje me funksionalizimin e Ligjit mbi Zyrtarët Publik, sidomos pas vendimit të Gjykatës Kushtetuese, e me qëllim të mundësimit sa më të shpejtë të rekrutimit të stafit sipas nevojave të institucioneve përkatëse.
Premtova përshpejtimin e materializimit të dispozitave të këtij ligji sa më shpejtë që të jetë e mundur.
