Dokument/ Ky është vendimi i Zemajt që “do t’i hapë rrugë abuzimit me çmimet e barnave” - Bota Sot
Dokument/ Ky është vendimi i Zemajt që “do t’i hapë rrugë abuzimit me çmimet e barnave”

Aktuale

Dokument/ Ky është vendimi i Zemajt që “do t’i hapë rrugë abuzimit me çmimet e barnave”

Më: 4 gusht 2020 Në ora: 18:35
Armend Zemaj

Ministri i Shëndetësisë, Armend Zemaj sot ka marrë vendim që të shfuqizohet Udhëzimi Administrativ për rregullimin dhe unifikimin e çmimit të barnave, të cilin e kishte nënshkruar ish-ministri Uran Ismaili. Ky i fundit e quan “vendim kriminal”, duke thënë se Zemaj “u bë partner i krimit të blerjes së barnave me çmime abuzive” e njëjtë ka reaguar edhe Oda e Farmacistëve.

Në maj të vitit 2019, ishte nënshkruar udhëzimi administrativ, sipas të cilit do të përcaktohej dhe rregullohet çmimi i produkteve medicinale për shitje me shumicë dhe pakicë në sektorin privat nga subjektet e licencuara, produkteve medicinale nga Lista e Barnave Esenciale, dhe produkteve medicinale nga Lista e Barnave të Rimbursueshme nga Fondi i Sigurimit Shëndetësor.

Mirëpo këtë udhëzim, sot e ka shfuqizuar ministri Zemaj, të cilit ia ka bashkëngjitur edhe një arysetim.

Aty thuhet se vendimi i sotëm është marrë në mbështetje të ankesave të qarkulluesve me shumicë dhe pakicë të produkteve medicionale në Kosovë.

Tutje në arsyetim thuhet se “komisioni ka konstatuar  që dispozitat e këtij akti nënligjor kanë përcaktuar mënyra të ndryshme për metodologjinë e përcaktimit të çmimeve të produkteve dhe në mungesë të listave zyrtare janë të cilët janë përdorur nga Komisioni për përcaktimin  e çmimeve, Komisioni i ankesave e kishte të pamundur të shqyrtoj ligjshmërinë e vendimeve të datës 30/04/2020 të Komisionit për përcaktimin e çmimeve”.

Vendimi i Zemajt ka nxitur menjëherë reagime, nisur nga Oda e Farmacistëve të Kosovës, e cila e ka quajtur të turpshëm dhe kriminal.

“Shfuqizimi i udhezimit per rregullimin e çmimeve të barnave sa e turpshme aq kriminale. Minister Zemaj po e turperon veten dhe familjen tende e popullin po varfëron, IK sa me parë! OFK do të therrase keshillin drejtues dhe do te keshillohet edhe me Kuvendin e OFK  për veprimet qe do te ndermerren!”, thuhet në postimin e Odës së Farmacistëve.

Ish ministri Ismaili thotë se vendimi i Zemajt sot është i barabartë me një akt kriminal.

“Shfuqizimi i Udhëzimit Administrativ për rregullimin dhe unifikimin e çmimit të barnave nga Ministri Zemaj është i barasvlefshëm me një akt kriminal.

Bashkë me Organizatën Botërorë të Shëndetesisë dhe qendrën e tyre për çmime referente kam punuar pa u ndalur për dy vjet rresht që të krijoj bazën ligjore që qytetarët tanë të mos paguajnë çmime shumëfish më të larta për barnat e njëjta”, thuhet ndër të tjera në reagimin e ish-ministrit.

Image

 

Shfaq komentet
comments powered by Disqus
Sot mund të lexoni Shfletoni kopertinat