Reagon fuqishëm Ambasada Amerikane: Nuk jemi kundër UÇK-së, sot Kuvendi mund ta dëmtojë trashëgëminë e UÇK

Aktuale

Reagon fuqishëm Ambasada Amerikane: Nuk jemi kundër UÇK-së, sot Kuvendi mund ta dëmtojë trashëgëminë e UÇK

Më: 7 gusht 2020 Në ora: 10:25
Philip Kosnett

Ambasada Amerikane ka reaguar përsëri pak orë para se në Kuvend të shqyrtohet Ligji për vlerat e luftës.

Me një komunikatë publike, ambasadori Kosnett bën thirrje që mos të miratohet ky ligj që sipas tyre dëmton trashëgëminë e lirisë.

Në shkrimin e ambasadës amerikane thuhet se SHBA kurrë nuk kanë qenë kundër UÇK-së.

Por, sipas Ambasadës së SHBA-ve, ligji do të hapte derën e legjislacionit që do të kriminalizojë format e tjera të fjalës së lirë, duke vendosur një precedent të rrezikshëm.

“Ligji, pavarësisht nga qëllimet e tij, është në kundërshtim me angazhimet për liritë themelore në zemër të kushtetutës së Kosovës. Kalimi i këtij ligji në formën e tij të tanishme do të dobësonte demokracinë e Kosovës.

Së pari, Shtetet e Bashkuara nuk janë anti-UÇK. Përkundrazi, ne e pranojmë që Kosova nuk do të ishte një vend i pavarur sot pa përpjekjet e UÇK-së dhe organizatave të tjera të rezistencës. Për më tepër, ligji do të hapte derën e legjislacionit që do të kriminalizojë format e tjera të fjalës së lirë, duke vendosur një precedent të rrezikshëm.

Ligji i propozuar gjithashtu mund të minojë përpjekjet për të siguruar drejtësi. Dëshmitarët, pavarësisht prejardhjes së tyre, do të pyetnin nëse ata mund të ndëshkoheshin për dëshminë e krimeve të pretenduara të individëve të lidhur me UÇK-në.

Luftëtarët e UÇK-së vdiqën për të zgjeruar lirinë e popullit të Kosovës, për të mos i kufizuar ata. Kuvendi i Kosovës nuk duhet të dëmtojë pa dashje trashëgëminë e UÇKsë” thuhet ndër të tjera në komunikatën e ambasadës amerikane.

commentFirst article
Sot mund të lexoni Shfletoni kopertinat