Sot 181 raste me Covid-19, Naser Ramadani e quan rënie të lehtë

Aktuale

Sot 181 raste me Covid-19, Naser Ramadani e quan rënie të lehtë

Më: 7 gusht 2020 Në ora: 18:07
Naser Ramadani

Drejtori i IKSHPK-së, Naser Ramadani, në një konferencë për media sot ka bërë të ditur se situata epidemiologjike në vendin tonë ka shënuar rënie.

Sipas tij rënie optimiste për 17 % prej mesatares javore është shënuar në këto 24 orë.

Ramadani ka bërë apel te qytetarët që të bëjnë kujdes të shtuar dhe të respektojnë masat për parandalim të shpërndarjes së infektimit.

“Situata epidemiologjike me COVID-19 në 24 orët e fundit në Kosovë ka shënuar një rënie të lehtë, një rënie optimiste e cila ka shkuar deri në 17 % rënie prej mesatares javore dhe me një pozitivitet të testeve 24.8% dhe një vdekshmëri 3%. Virusi është kudo andaj ju lutemi t’i zbatoni masat, sepse virusi vret”, ka thënë Ramadani.

Shfaq komentet
comments powered by Disqus
Sot mund të lexoni Shfletoni kopertinat