​Krasniqi-Osmanit: Çka janë këto manipulime, UÇK-në e mbron historia

Aktuale

​Krasniqi-Osmanit: Çka janë këto manipulime, UÇK-në e mbron historia

Më: 7 gusht 2020 Në ora: 22:34
Memli Krasniqi

Deputeti i PDK-së, Memli Krasniqi i ka reaguar kryetares së Kuvendit, Vjosa Osmanit, duke i thënë se janë manipulime dhe keqinformim, pasi askush nuk po kërkon me mbrojt UÇK-në nga populli, sepse atë e mbron historia dhe të bëmat e saj.

Vjosa Osmani gjatë seancës së Kuvendit, ku po diskutohej projektligji për vlerat e luftës së UÇK-së, ka pyetur nga kush po rrezikohet UÇK, kur dihet që ajo ka lindur nga populli.

Kurse, Krasniqi ka reaguar duke thënë se është turp që nuk e kanë mbrojt UÇK-në në mënyrë institucionale deri më sot.

Krasniqi tha se debati nisi mirë me propozime konkrete.

Krasniqi: Është absurde, nuk përdorim UÇK-në për ta cenuar lirinë e qytetarëve

“Kushdo që ka menduar që përmes këtij ligji qëllimi ynë si iniciator për me ia cenuar kujdo qoftë lirinë e shprehjes e ka gabim. Ne nuk jemi të çmendur që organizatën e cila e ka mundësuar, jo krejt e vetme, lirinë e qytetarëve të Kosovës, me shfrytëzuar në ligj për ta cenuar po atë liri që iu ka ardhur përmes këtyre, qytetarëve. Kjo është absurdë, nuk ka qëllim të fshehët ky ligj....Qëllimi është me pas një ligj që megjithatë, në mënyrë institucionale e mundëson mbrojtjen e emrit të UÇK-së, askush nuk po kërkon me mbrojt UÇK-në nga populli, çka janë këto manipulime, po UÇK-ja është populli. Po edhe brenda këtij populli, ata që nuk kanë qenë, nuk janë dhe nuk kanë me qenë kurrë me UÇK-në, kanë të drejt me pas mendimin e vet, askush nuk po ua cenon, as mohon ....po mos thuani se është keq informim me thënë prej kujt po e mbroni UÇK-në, nuk po duam me mbrojt UÇK-në, UÇK-në e mbron historia, e mbron të bëmat, e mbrojnë veteranët, e mbrojnë dëshmorët, gjaku i tyre që sot na ka mundësuar me qen ne këtu, dikush mbar e dikush mbrapsht, s’kemi nevojë me mbrojt, nuk është kjo për me mbrojt por vlerën në mënyrë institucionale, është turp që nuk e kemi mbrojt deri sot”, tha ai.

Krasniqi tha se ligjet nuk shkruajnë as rishkruajnë historinë.

commentFirst article
Sot mund të lexoni Shfletoni kopertinat