Ish-kandidati për kryetar të Komunës së Malishevës në zgjedhjet e fundit nga radhët e AAK-së, Kajtaz Gashi, është larguar nga kjo parti.
Lajmin Gashi e ka konfirmuar përmes një postimi në Facebook, ku ka njoftuar se ka dhënë dorëheqje nga të gjitha funksionet në AAK, përcjell Bota sot.
Ai ka treguar angazhimi i tij politik do të vazhdojë, por nuk ka bërë të ditur se në cilën parti.
Postimi i plotë i Gashit:
Të nderuar miq;
Ju njoftoj se kam dhënë dorëheqje nga të gjitha funksionet në AAK. Falënderoj dhe shprehi mirënjohje për të gjithë ata qytetarë, miq e bashkëpunëtorë që më mbështetën për kryetar komune në zgjedhjet e fundit lokale dhe më besuan t’i përfaqësoj në Asamblenë Komunale të Malishevës.
Falënderoj kryetarin e AAK-së për besimin dhe bashkëpunimin korrekt që kemi pasur nder vite.
Angazhimi im politik e qytetarë do të vazhdoj gjithmonë në funksion të së mirës së përgjithshme për qytetarët e komunës tonë dhe vendit.
