Deputetja e Kuvendit të Kosovës nga radhët e VV-së, Arbërie Nagavci me rastin e vdekjes së aktorit dhe ish-deputetit të Kosovës, Adem Mikullovci ka kujtuar jetën dhe veprat e tij.
Nagavci tregoi për takimin e saj të fundit me të ndjerin, të cilin e kishte takuar vetëm një javë më parë.
“Të vizituam bashkë me Albulenën e Luanin në Ditën e Kushtetutës së Kaqanikut, me modesti e urtësi e solle bisedën te aktiviteti i këtyre ditëve, te zhvillimet e fundit, po iu përcjelli na tha, na pyete për të gjithë”, tha Nagavci, përcjell “Bota sot”.
Deputetja e VV-së tha se kujtimi për Mikullovcin do të jetë i përjetshëm.
Postimi i plotë
Lamtumirë, baca Adem!
U largove nga kjo botë ashtu si jetove, paqësisht e me dinjitet. Në takimin e fundit, vetëm një javë më parë na tregoje për idetë që kishe, për projekte të reja.
Të vizituam bashkë me Albulenën e Luanin në Ditën e Kushtetutës së Kaqanikut, me modesti e urtësi e solle biseden te aktiviteti i këtyre ditëve, te zhvillimet e fundit, po iu përcjelli na tha, na pyete për të gjithë. Na tregove se ke gati plot shkrime për një projekt të ri... por unë s’kam kohë më, se di a mund të punojë, jam lodhur. Por juve ju pres, ejani të gjithë me familje, merrini dhe fëmijët e rrimë një mbrëmje.
Do të mbetesh përjetësisht në kujtimet tona!
Pusho në paqe!