Kryeministri i Kosovës, Avdullah Hoti, është deklaruar pas operacionit të mbrëmshëm në Karaçevë, të realizuar nga Policia e Kosovës.
Përmes një postimi në Facebook, ai ka thënë se ai operacion është dëshmi se institucionet tona të sigurisë janë plotësisht të afta për të garantuar rend dhe ligj për qytetarët e Republikës së Kosovës, përcjell Bota sot.
Hoti ka falënderuar Policinë për realizimin e një operacioni kompleks dhe delikat dhe sipas tij, ky është vetëm fillimi i kthimit në normalitet në çdo fushë.
Postimi i tij i plotë në Facebook:
Operacioni i policisë në Karaçevë, i mbështetur edhe nga mekanizmat tjerë, është dëshmi se institucionet tona të sigurisë janë plotësisht të afta për të garantuar rend dhe ligj për qytetarët e Republikës së Kosovës.
U jam mirënjohës të gjithë atyre që me përkushtim e profesionalizëm planifikuan dhe zbatuan një operacion kompleks e delikat.
Ky është vetëm fillimi i kthimit të NORMALITETIT në çdo fushë.