Serbia do të detyrohet të njoh Kosovën ka deklaruar ish-ministri suedez dhe përfaqësuesi i lartë për BeH Karl Bild duke shtuar se presidenti Vuçiq në një moment kishte forcën për një vendim të tillë, por lëshoi atë rast, shkruan “Kosovo-online”, transmeton “Bota Sot”.
"Jo, ai e di se kjo është qelës i rrugës së Serbisë drejtë BE-së” tha Bild.
Bild ka porositur anëtarin e kryesisë së BeH, Dodik se është në interesin e tij Bosnja funksionale.
"Kosova është shtet i pavarur. Dhe nga ajo çështje nuk ka kthim. Dodik e di se nga pavarësia e RS nuk ka asgjë. Bile atë as Serbia nuk do e pranonte. Në të vërtetë ai do duhet të synoj ndërtimin e një forme të strukturës koherente të pushtetit brenda BeH, diçka sikur RS dhe të nis realizimin e reformave”, tha Bild.
Kur është në pyetje dialogu mes Kosovës edhe Serbisë që po shkon në dy binarë, atë në Uashington edhe Bruksel, Bild nënvizon se binari i BE-së duhet përshpejtuar dhe të niset përpara.
"Konsideroj se ideja e shkëmbimit të territoreve ishte diversion i rrezikshëm që ka kushtuar disa vite në përparimin e bisedimeve. Kërkohet realizimi i asaj që janë pajtuar palët dhe nuk janë realizuar deri tani. Shumëçka edhe është përsëritur në dokumente që kanë dal nga takimi në Amerikë", tha Bild.