Ka shkruar në 15 mijë e 270 numri i të infektuarve me koronavirus në Kosovë.
Instituti Kombëtar i Shëndetësisë Publike të Kosovës (IKSHPK), ka bërë të ditur se në 24 orët e fundit janë regjistruar edhe 62 raste të reja me koronavirus, kështu duke e çuar në 15 mijë e 270 numrin e përgjithshëm të të infektuarve.
Sipas IKSHPK-së, gjatë 24 orëve të fundit është regjistruar edhe një viktimë dhe numri i përgjithshëm i vdekjeve nga koronavirusi në vend ka arritur në 616.
Në anën tjetër, tash e sa ditë numri i të shëruarve vazhdon të jetë më i lartë sesa i rasteve të reja dhe deri më tani janë 12 mijë e 900 persona të shëruar, pasi që vetëm në 24 orët e fundit janë shëruar 85 persona.
Mirëpo, Prishtina vazhdon të ketë numrin më të madh të të infektuarve. Sipas IKSHPK-së, nga 62 raste të reja me koronavirus, 17 kanë qenë nga Prishtina, kurse 14 nga Prizreni, shkruan më tutje lajmi.net.
Njoftimi i plotë i IKSHPK-së, pa ndërhyrje:
85 TË SHËRUAR DHE 62 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 528 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 62 raste pozitive. Brenda 24 orëve është raportuar një rast i vdekjes me SARS CoV-2 pozitiv.
Numri total i rasteve pozitive është 15.270 raste nga 63.638 persona të dyshimtë në virusin SARS-CoV-2 dhe 616 raste të vdekjes.
Gjatë 24 orëve të fundit, janë shëruar 85 pacientë derisa numri i përgjithshëm i të shëruarve deri më sot është gjithsej 12.900 raste, kurse numri i rasteve aktive është 1.754.
Rastet pozitive janë nga: komuna Prishtinë 17 raste, komuna Prizren 14 raste, komuna Gjilan 8 raste, komuna Pejë 8 raste, komuna Vushtrri 6 raste, komuna Drenas 2 raste, komuna Suharekë 2 raste, komuna Viti 2 raste dhe me nga një rast komunat Fushë Kosovë, Junik dhe Malishevë.
Mbuloni gojën dhe hundën me maskë!
Mbani higjienën!
Respektoni distancën!.
