Minsitrja e Punëve Jashtme, Meliza Stublla Haradinaj, ka takuar ambasadorin britanik Nicholas Abbott.
Ajo përmes një shkrimi ka treguar se ka theksuar nevojën e përfshirjes aktive të Mbretërisë së Bashkuar në epilogun e dialogut me Serbinë, si palë hisedare në të arriturat e deritanishme të Kosovës.
Postimi në Facebook:
Gjithmonë kënaqësi e veçantë takimi me Ambasadorin britanik, z.Nicholas Abbott.
Me Ambasadorin Abbott diskutam për zhvillimet e fundit politike dhe shkëmbyem pikëpamje rreth dialogut me Serbinë, Marrëveshjen e Uashingtonit për normalizim ekonomik si dhe implementimin e saj.
Theksova nevojën e përfshirjes aktive të Mbretërisë së Bashkuar në epilogun e dialogut me Serbinë, si palë hisedare në të arriturat e deritanishme të Kosovës.
E falënderova për gjithë përkrahjen e vazhdueshme dhënë Kosovës, veçanërisht përmes Bursës Chevening, program nga i cili këtë vit do të përfitojnë plot 11 studentë nga Kosova për të studiuar me bursë të plotë në Mbretërinë e Bashkuar.
