Kryeministri i Kosovës Avdullah Hoti, ka mirëpritur propozimin e emisarit amerikan për dialogun Richard Grenell, që Liqeni i Ujmanit të quhet “Liqeni Trump”.
“E kam mirëpritur propozimin e ambasadorit Grenell që Liqeni i Ujmanit të quhet Liqeni i Presidentit Trump, në shenjë nderimi për rolin e tij të jashtëzakonshëm për arritjen e marrëveshjes historike për normalizimin e marrëdhënieve ekonomike midis Republikës së Kosovës dhe asaj të Serbisë, si hap i madh drejt marrëveshjes përfundimtare politike, e cila duhet të rezultojë me njohje reciproke”, ka shkruar Hoti në faqen e tij në Facebook.
Por, ndërrimi i emrit të Liqenit të Ujmanit, nuk po i pëlqen analistit politik Agron Demi, përcjell Bota sot.
Në një postim në Facebook, Demi e ka quajtur këtë ide “budallaki”, duke thënë se ato po vijnë prej “akademikëve”.
Reagimi i tij:
Hajde me qet logjikë po ti hyjme secilit toponim 'kontestues' e po ja japim nga nje emërtim të ri.
Duke fillu prej Kosova/Kosovo, Ferizaj/Urosevac, Drenas/Gllogovc...
Vetëm jepni ju sugjerime se qysh po i quajmë tash e tutje.
Gjithë kemi ba hajgare me 'Zafirat', e 'Haxhite', a budallakitë më të mëdha kanë ardh prej ahmak-aMkademikave.
