Familja e Haki Imerit, veprimtarit të vrarë të Lidhjes Demokratike të Kosovës, ka përshëndetur arrestimin e kreut të OVL të UÇK-së Hysni Gucatit nga Gjykata Speciale.
Në një reagim në Facebook, familja Imeri ka uruar që Gucati të ketë sjellje korrekte ndaj drejtësisë.
Ata kanë akuzuar presidentin e Kosovës Hashim Thaçi, si ideator dhe organizator të të gjitha sulmeve ndaj Speciales, përcjell Bota sot.
Familja Imeri ka apeluar që veteranët të mos bien pre e Thaçit, pasi ai në fund do t’i fajësoi ata për sulm ndaj Speciales.
Reagimi i tyre i plotë:
Veprimet e sotme të Gjykatës Speciale dhe arrestimin e shefit të veteranëve të rremë e përshëndesim dhe urojmë që ai të ketë sjellje korrekte ndaj drejtësisë.
Është e qartë se Thaçi me CO është ideatori, organizatori, i të gjitha sulmeve ndaj drejtësisë dhe Gjykatës Speciale.
Mos bini pre e skenarëve të Thaçit dora vet, se kështu kanë rënë edhe më parë...
Hashim Thaçi më në fund do t’ua thotë se vet jeni fajtor, që po sulmoni Gjykatën Speciale.