Grupet parlamentare shqiptare janë shprehur pro amendamentit kushtetues, ku përfshihet Konventa e Stambollit për të garantuar respektimin dhe shtytjen përpara të barazisë gjinore.
Deputeti i LDK-së, Shkëmb Manaj tha se ky është një instrument i rëndësishëm ndërkombëtar që parandalon dhe lufton dhunën ndaj grave.
Manaj: Kushtetutës sonë moderne nga sot i shtohet edhe një instrument i rëndësishëm ndërkombëtar
“Kushtetutës sonë moderne nga sot i shtohet edhe një instrument i rëndësishëm ndërkombëtar Konventa e Këshillit të Evropës për parandalimin dhe luftës ndaj dhunës ndaj grave dhe dhunës në familje”, tha ai
Përkrahje dha në emër të Lëvizjes Vetëvendosje, deputetja Saranda Bogujevci.
Bogujevci: Ne e kemi përkrah dhe vazhdojmë të përkrahim këtë amendament
“Ne e kemi përkrah dhe vazhdojmë të përkrahim këtë amendament”, tha ajo.
Ndërkaq, deputetja e PDK-së, Besa Ismaili-Ahmeti tha se vendi ynë do përfitojë mjaft shumë me votimin e kësaj konvente.
Ismaili-Ahmeti: Shteti do të përfitojë mjaft shumë me votimin e kësaj konvente
“Shteti do të përfitojë mjaft shumë me votimin e kësaj konvente, prandaj votojeni deputetë të nderuar. PDK-ja ofron mbështetje për këto ndryshme dhe jo vetëm votën, por gjithë angazhimin tonë politik që dhuna ndaj gruas të jetë një tregim i së kaluarës”, tha ajo.
Kurse deputetja e AAK-së, Teuta Haxhiu i kërkoi votën edhe grupeve parlamentare jo shumicë.
Haxhiu: derisa thërrasim dhe grupet tjera parlamentare jo shqiptare
“Ne si grup parlamentare normal që do të përkrahim, derisa thërrasim dhe grupet tjera parlamentare jo shqiptare pasi mandatin e kaluar nuk ka pasur mbështetje”, tha ajo.
