Familja e veprimtarit të vrarë të Lidhjes Demokratike të Kosovës Haki Imeri, ka reaguar sërish për arrestimet e krerëve të OVL-UÇK-së Hysni Gucati e Nasim Haradinaj.
Ata kanë thënë se Gucati e Haradinaj duhet ta kenë të qartë se lufta speciale dhe sulmet e orkestruara kundër drejtësisë nuk do të tolerohet nga Gjykata Speciale, përcjell Bota sot.
Familja Imeri ka paralajmëruar se më keq se Gucati e Haradinaj, do të pësojnë edhe të tjerët që dalin kundër SHBA-së dhe BE-së.
Reagimi i tyre në Facebook:
Hysni Gucati dhe Nasim Haradinaj duhet ta kenë të qartë se lufta speciale dhe sulmet e orkestruara kundër drejtësisë nuk do të tolerohet nga Gjykata Speciale dhe mekanizma tjerë ndërkombëtar..
Edhe të tjerët si këta, e mos më keq do ta përqafojnë të njëjtin fat poqëse drejtojnë thikat/tytat/ kundër SHBA dhe BE (Gjykatës Speciale)
Gjykata Speciale do t'i ndjekë edhe ata që qëndrojnë në prapavijën e këtij skenari të errët. Kërcënimi ndaj autoriteteve të Hagës nuk do të tolerohet në asnjë rrethanë.
Ata që pengojnë drejtësinë dhe zbardhjen e krimeve si duket kanë arsyet e veta personale kriminale që për të saten herë të rivrasin viktimat.
Kësaj radhe do të kemi gjykime, do të dënohen kriminelët e të gjitha niveleve dhe drejtësia e shmangur dhe e penguar për dy dekada më në fund do të triumfojë.
Rroftë SHBA dhe BE-ja
Rroftë Gjykata Speciale
p.s
Të akuzuarit duhet të jenë të sinqertë dhe saberli, duhet ta kuptojnë një gjë: ne familjarët e viktimave patëm durim për dy dekada ...