Përfundon seanca e parë e Salih Mustafës para Gjykatës Speciale, avokati kërkon këtë gjë

Aktuale

Përfundon seanca e parë e Salih Mustafës para Gjykatës Speciale, avokati kërkon këtë gjë

Më: 28 shtator 2020 Në ora: 15:21
Foto nga Gjykata

(E plotësuar) - Ka përfunduar seanca e parë gjyqësore e ish-eprorit të Ushtrisë Çlirimtare të Kosovës, Salih Mustafa, para Gjykatës në Hagë.

Ai gjatë seancës e ka konfirmuar që avokati që e përfaqësoi sot në seancë, do të jetë avokat i tij gjatë tërë procesit.

Avokati i tij para Gjykatësit të Procedurës Paraprake ka thënë se Mustafa deri më tani nuk e ka parë aktakuzën e ngritur ndaj tij, duke thënë se është i informuar vetëm për versionin e redaktuar ku janë të fshehura disa informacione.

“Klienti im ka marrë vetëm versionin e redaktuar të aktakuzës, nuk e di pse janë redaktuar apo kush është përmendur në versionin e redaktuar. Kur të jetë i disponueshëm na duhet. Sigurisht të gjitha këto janë shumë të reja për klientin tim, do të i duhet një far kohe për t’u përshtatur”, ka thënë ai.

“Kjo gjykatë ka një format unik në spektrin ndërkombëtar, është një gjykatë që zbaton rregullat dhe rregulloret ndërkombëtare, nëse ka mospërputhje midis këtyre rregullave ndërkombëtare unë kërkoj që të mbrohen interesat e klientit tim”, ka shtuar avokati i Mustafës.

Gjykata Speciale ka bërë publike në version të redaktuar aktakuzën për Salih Mustafën. Pos krimeve të tjera, ish pjesëtari të UÇK-së, i vihet në barrë edhe akuza për vrasje.

Zyra e Prokurorit të Specializuar, pretendon se këto krime kanë ndodhur në fshatin Zllash, gjatë vitit 1999.

***

Salih Mustafa ka vendosur që të mos deklarohet të hënën rreth fajësisë.

“Nuk do të deklarohem sot, do të konsultohem me avokatin”, ka thënë ai gjatë paraqitjes së parë në Hagë, para gjyqtarit të procedurës paraprake.

Paraprakisht atij i është lexuar aktakuza dhe më pas të drejtat.

E ka konfirmuar që avokati që e përfaqëson sot në seancë do të jetë avokat i tiji gjatë tërë procesit.

Mustafa, ishte arrestuar të enjten nga Zyra e Prokurorit të Specializuar, pasi Gjykata Speciale ia kishte konfirmuar aktakuzën qysh në qershor të këtij viti.

Ai akuzohet për një sërë veprash penale, si ndalim arbitrar, trajtim mizor, torturë dhe vrasje të paligjshme. Sipas avokatëve, të hënën Mustafës, i cili kohë më parë ka mbajtur postin e ish-shefit të Inteligjencës së Forcave të Sigurisë së Kosovës, në seancë para gjykatës pritet t’i shqiptohet masa e paraburgimit.

***

Ka nisur seanca në Hagë ndaj Salih Mustafës, i njohur gjatë luftës me nofkën “Cali”.

Gjatë kësaj seance është lexuar aktakuza ndaj tij.

Mustafa është pyetur nëse i ka kuptuar akuzat dhe ai është përgjigjur në mënyrë pohuese.

Gjyqtari më pas ia ka lexuar të drejtat.

Mustafa, ishte arrestuar të enjten nga Zyra e Prokurorit të Specializuar, pasi Gjykata Speciale ia kishte konfirmuar aktakuzën qysh në qershor të këtij viti.

Ai akuzohet për një sërë veprash penale, si ndalim arbitrar, trajtim mizor, torturë dhe vrasje të paligjshme. Sipas avokatëve, të hënën Mustafës, i cili kohë më parë ka mbajtur postin e ish-shefit të Inteligjencës së Forcave të Sigurisë së Kosovës, në seancë para gjykatës pritet t’i shqiptohet masa e paraburgimit.

***

Ka filluar seanca gjyqësore e ish’ushtarit të UCK’së, Salih Mustafës para Gjyqtarit të Procedurës paraprake në Hagë.

Mustafa është arrestuar ditë më parë nga pjesëtarë të EULEX’it derisa është i pari person i akuzuar që është paraqitur para gjyqtarit të procedurës paraprake.

Gjykata Speciale ka bërë publike në version të redaktuar aktakuzën për Salih Mustafën. Pos krimeve të tjera, ish pjesëtari të UCK-së, i vihet në barrë edhe akuza për vrasje.

 Zyra e Prokurorit të Specializuar, pretendon se këto krime kanë ndodhur në fshatin Zllash, gjatë vitit 1999.

commentFirst article
Sot mund të lexoni Shfletoni kopertinat