Mbledhja e përbashkët Kosovë-Shqipëri do të mbahet në Tiranë.
Konkretisht dy qeveritë do të mblidhen në 2 tetor, orën 11:00 në Pallatin e Kongreseve.
Të dyja vendet kanë 15 marrëveshje që do të diskutohen dhe pritet që të miratohen në takimin e tyre të përbashkët.
Ndër të tjera dy kryeministrat do të nënshkruajnë një deklaratë të përbashkët e cila rekomandon që Kuvendi i Kosovës dhe ai i Shqipërisë të mbikëqyrin zbatimin e marrëveshjeve që do arrihen në mes dy vendeve.
Mbledhja mes dy qeverive ishte parashikuar që të mbahej në Shkodër, por është ndryshuar me Tiranën.
Mbledhja e përbashkët e 2 tetorit do të jetë mbledhja e gjashtë e përbashkët e dy qeverive.
Mbledhja e parë e përbashkët u mbajt më 11 janar të vitit 2014 në Prizren dhe drejtohej nga kryeministrat e atëhershëm të Kosovës dhe Shqipërisë, Hashim Thaçi dhe Edi Rama.
