Analisti Shkëlzen Gashi, ka thënë se në librat “Projekti i Historisë së Përbashkët”, masakra e Reçakut nuk paraqitet si masakër, por si incident.
Gashi ka thënë se është tmerruar me mënyren si prezantohet lufta e Kosovës në këto vëllime.
“Botuesi i vëllimeve është një organizatë me seli në Selanik. Në vitin 1999 këta kanë ardhur në përfundim pas ndërhyrjes së NATO-s që një prej arsyeve që ka pasur konflikte është se nxënësat e shkollave e kanë mësuar historinë keq”.
“Këta kanë angazhuar historianë prej të gjithë Ballkanit dhe kanë publikuar 6 vëllime të cilat i kam këtu”.
“Thjesht u tmerrova se si prezantohet lufta në Kosovë. Prezantohet shumë keq, e keqja është se këto libra janë shkruar origjinal në anglisht, dhe janë përkthyer në të gjitha gjuhët e Ballkanit”.
“Nuk prezantohen askund kryengritjen e Skënderbeut për 25 vjet kundër Otomanëve. Nuk prezantohet as kryengritja tjetër e dytë. Nuk prezantohet asnjë kryengritje e Rilindjes”.
Gashi e ka quajtur skandaloz faktin se në librin e dytë askund nuk përmendet qëllimi i Rilindjes Kombëtare Shqiptare.
“Tek luftërat e fundit, për luftërat ballkanike në faqen 116 e kanë botuar një tabele me të vrarët në luftërat ballkanike – nuk figurojnë askund shqiptarët e vrarë në luftërat ballkanike 1912-13. Kjo është e tmerrshme sepse ka shumë të dhëna për krimet e kryera nga forcat serbe”.
“Një prej gjërave më të tmerrshme është se masakra e Reçakut nuk prezantohet si masakër. Për Reçakun thuhet rasti Reçakut ose incidenti i Reçakut”.
