1 mijë e 475 raste aktive me COVID-19

Aktuale

1 mijë e 475 raste aktive me COVID-19

Më: 29 shtator 2020 Në ora: 08:09
Ilustrim

Që nga 13 marsi kur edhe janë paraqitur dy rastet e para të të infektuarve me virusin korona, numri i rasteve pozitive deri më tani në Kosovë ka shkuar në 15 mijë e 520, nga 66 mijë e 624 persona të dyshimtë me virusin SARS CoV-2.

Derisa 13 mijë e 420 persona kanë arritur që të shërohen nga virusi korona, janë 625 të tjerë që kanë vdekur shkak i infektimit me këtë virus.

Ndërsa, sipas të dhënave të Instituti Kombëtar të Shëndetësisë Publike të Kosovës (IKSHPK), në vend janë 1 e 475 raste aktive me COVID-19.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 645 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 48 raste pozitive. Brenda 24 orëve janë raportuar 3 raste të vdekjes me SARS CoV-2 pozitiv (1 rast nga spitali Prizren, 1 rast nga spitali Gjakovë dhe 1 rast nga spitali Gjilan). Numri total i rasteve pozitive është 15.520 raste nga 66.624 persona të dyshimtë në virusin SARS-CoV-2 dhe 625 raste të vdekjes. Gjatë 24 orëve të fundit, janë shëruar 142 pacientë derisa numri i përgjithshëm i të shëruarve deri më sot është gjithsej 13.420 raste, kurse numri i rasteve aktive është 1.475”, thuhet në raportin 24 orësh të IKSHPK-së.

Me më së shumti raste pozitive është komuna e Prishtinës. Sipas raportit të fundit të IKSHPK-së, 10 raste pozitive janë nga komuna e Prishtinës, ndërsa komuna e Mitrovicë 5 raste, komuna e Pejës 5 raste, komuna e Suharekës 5 raste, komuna e Drenasit 4 raste, komuna e Gjilanit 4 raste, komuna e Podujevës 3 raste, komuna e Prizrenit 3raste, komuna e Klinës 2 raste, komuna e Vushtrrisë 2 raste dhe me nga një rast komunat Fushë Kosovë, Kamenicë, Obiliq, Rahovec dhe Viti.

Sot mund të lexoni Shfletoni kopertinat