Shefi i zyrës së Bashkimit Europian në Kosovë, Tomáš Szunyog, ka zhvilluar sot vizitë në veri të Mitrovicës.
Szunyog është shprehur se nuk e ka idenë se kur do të hapet ura e Ibrit në Mitrovicë e cila është rinovuar tash e sa vite nga paratë e BE-së.
Gjatë një vizite në Mitrovicë, tha se duhet pajtim mes palës kosovare dhe asaj serbe që të bëhet hapja e urës për qarkullim normal.
Ndërkaq kur është pyetur për Asociacionin, Tomáš Szunyog ka thënë se kjo është temë e hapur për të cilën duhet të flitet në Bruksel në kuadër të marrëveshjes ligjërisht obliguese.
Ai ka thënë se Bashkimi Europian i kushton vëmendje veriut të Kosovës dhe zhvillimit të kësaj pjese.
