Nasim Haradinaj, sot gjatë seancës së Gjykatës Speciale, ka treguar para gjykatësit special, se ai deri mbrëmë nuk ka mundur të flas me familjen e tij, për t’u treguar që është i arrestuar.
Haradinaj, i pyetur nga gjyqtari se cila ka qenë arsyeja, ka thënë se nuk i është ofruar mundësia.
“Nga kur jam arrestuar mbrëmë kam biseduar me familjen. Besoj që nuk e kanë bërë me qëllim por ka ekzistuar mundësia që un të flas me të, por s’kam mundur”, ka thënë ai.
Nënkryetari i OVL të UÇK-së, Nasim Haradinaj,u arrestua më 25 shtator nga Zyra e Prokurorit të Specializuar në bazë të një fletarrestimi dhe urdhri për transferim, të lëshuara nga një gjykatës i Dhomave të Specializuara të Kosovës.