Ish-kryetari i Lëvizjes për Bashkim, Avni Klinaku, thotë se organizatat e dala nga lufta kanë të drejtë kur po deklarohen se mandati i Dhomave të Specializuara ka përfunduar.
Kliniku përmes një postimi në Facebook, ka publikuar amanadmentin nr. 24 neni 162, pika 13 e Gjykatës Kushtetuese, ku thuhet se mandati i Speciales do të zgjas për një periudhë pesë vjeçare, nëse njoftimi i përfundimit të mandatit në pajtim me Ligjin bëhet më herët.
Postimi i plotë:
OVL e UÇK ka plotësisht të drejtë kur po deklaron se mandati i Dhomave të Specializuara ka përfunduar. Kështu është e sanksionuar në Kushtetutën e Kosovës, përkatësisht në Amandamentin nr. 24, neni 162, pika 13.
Aty thuhet:
13. Mandati i Dhomave të specializuara dhe Zyrës së Prokurorit të specializuar do të zgjasë për një periudhë pesëvjeçare (5), përveç nëse njoftimi i përfundimit të mandatit në pajtim me Ligjin No. 04/L-274 bëhet më herët.
Pra, mund të bëhet fjalë për një shkurtim të mandatit, por jo edhe për zgjatje të tij pa një amandamentim të ri të Kushtetutës.