Policia e Kosovës gjatë ditës së sotme, ka ndaluar aksionin e PSD-së para bankave. Ky aksion u realizua me qëllim të kundërshtimit për pabarazinë dhe përfitimet e bankave edhe gjatë situatës me COVID-19.
Zyrtari i PSD-së, Frashër Krasniqi reagoi ashpër ndaj këtij veprimi të Policisë së Kosovës. Krasniqi tha se kjo e fundit po dënon aktivistët padrejtësisht.
"Policia po i dënon aktivistët e PSD sepse realizuan një aksion kundër pabarazisë dhe përfitimit spektakolar të bankave edhe gjatë situatës me COVID-19", u shpreh Krasniqi, përcjell "Bota sot".
Postimi i plotë
Policia po i dënon aktivistët e PSD sepse realizuan një aksion kundër pabarazisë dhe përfitimit spektakolar të bankave edhe gjatë situatës me COVID-19.
Bankat janë përfituesit në të mëdhenj të pandemisë. Përfitimin e tyre të padrejtë dhe të pabarabartë, po e mbron qeveria. Qoftë aktualja, qoftë e kaluara.