Ministri i Shëndetësisë Armend Zemaj, ka konfirmuar se sot nuk ka asnjë rast të vdekjes nga Koronavirusi në Kosovë.
Ai po ashtu ka thënë se është shënuar numër i ulët i të infektuarve gjatë 24 orëve të fundit. Vetëm 46 persona kanë rezultuar pozitiv me Covid-19, përcjell Bota sot.
Ndërsa janë shëruar edhe 62 persona.
Ministri Zemaj, ka kërkuar nga qytetarët që të vazhdojnë të respektojnë rregullat kundër pandemisë.
Reagimi i tij në Facebook:
Bashkë po i gëzohemi faktit që Kosova edhe sot nuk ka asnjë rast të vdekjes nga Covid-19, si dhe një numër relativisht më ulët sa i përket të të infektuarve, ku nga 580 teste, 46 kanë rezultuar pozitiv.
Mbroni veten dhe njerëzit që ju rrethojnë!
Respektoni masat anti covid për të frenuar përhapjen e virusit!
Me kujdes çdo ditë, e mundim virusin!
Bashkë ia dalim!
Vendose maskën!
Mbaje higjienën!
Ruaje distancën!