Avni Zogiani nga Lëvizja Vetëvendosje, ka kritikuar Qeverinë Hoti, për dëbimin e këshilltarit të ish-kryeministrit Albin Kurti, Tienmu Ma.
Zogiani ka akuzuar edhe presidentin Hashim Thaçi se me paranë publike, paguan për “mirëmbajtjen e klanit të tij”, përcjell Bota sot.
Ai ka thënë se në Kosovë intelektualët e pavarur flasin vetëm kur paguhen nga linja politike e Thaçit.
Reagimi i tij në Facebook:
Një ekspert, në këtë rast amerikan, është dëbuar nga Qeveria Hoti vetëm pse nuk i takon oborrit të Hashim Thaçit, i cili me paranë publike paguan pa fund të huaj për mirëmbajtjen e klanit të tij...
Pothuajse asnjë reagim nga shoqëria civile e opinion-krijuesit që përditë pretendojnë vlera demokratike e amerikane!
Pra, në Kosovë praktikisht janë zhdukur intelektualët e pavarur, ata ekzistojnë vetëm kur paguhen, e dihet se si rezultat i korrupsionit 20 vjeçar, paratë për t'i paguar i ka vetëm linja politike e Hashim Thaçit!
