Hoxha: Kur të përfundojnë hetimet e komisionit, do të befasoheni me emrat që kanë privatizuar

Aktuale

Hoxha: Kur të përfundojnë hetimet e komisionit, do të befasoheni me emrat që kanë privatizuar

Më: 22 tetor 2020 Në ora: 00:51
Sejdi Hoxha

Deputeti i PDK-së, Sejdi Hoxha, ka thënë se kur të përfundojnë hetimet e Komisionit hetimor për çështjen e privatizimit do të ketë befasi.

“Opinioni do të befasohet kur të dalin emrat e atyre që kanë privatizuar dhe që do të dalin pikërisht ata persona të cilët kanë folur më së shumti për procesin e privatizimit. Do të thotë kanë abuzuar me këtë temë”, ka thënë Hoxha.

Ai thotë ata janë persona nga të gjitha partitë.

“Janë persona nga të gjitha partitë politike në Kosovë dhe në Kuvendin e Kosovës, për 20 vite këtë faturë të privatizimit e ka paguar para qytetarëve vetëm PDK-ja. Tash kanë me e kuptuar qytetarët se kush janë privatizuesit dhe kush janë abuzuesit me pronat publike në Kosovë. Fillimisht do t'i zbulojmë ata që kanë privatizuar direkt, familjarët e tyre, por pse jo edhe personat që kanë lidhje me partitë politike në Kosovë”, ka thënë ai.

commentFirst article
Sot mund të lexoni Shfletoni kopertinat