Deputeti i Partisë Demokratike të Kosovës Abelard Tahiri, ka thënë se emisari i dialogut Kosovë-Serbi Miroslav Lajçak, motivimin për ndryshim të Kushtetutës, mund ta ketë marrë nga takimi me ish-kryeministrin Albin Kurti.
Atij për këtë deklaratë, i është kundërpërgjigjur Lëvizja Vetëvendosje. Avni Zogiani nga LVV-ja, i ka quajtur “shërbëtorë të Vuçiqit” zyrtarët e PDK-së, përcjell Bota sot.
Ai ka thënë se ata e kanë “pasion” mashtrimin, duke i akuzuar se ata e “gjuajnë gurin dhe e fshehin dorën”.
“Këta shërbëtorët e Vuçiqit tu e gjujt gurin e tu e fsheh dorën! Këtë mentalitet kanë, nuk dinë asgjë tjetër, mashtrimin e kanë pasion!”, ka shkruar Zogiani në një postim në Facebook./BS