Albulena Balaj-Halimaj në emisionin “Dhoma e Rrëfimit” ka folur edhe për mbledhjen e parë të qeverisë Hoti dhe ulësen afër kryeministrit.
Në atë mbledhje ajo thotë se kishte marrë një letër të protokollit e cila i tregonte se ku duhet të ulej dhe se nuk kishte pasur ndonjë keqkuptim me zv.kryeministrin, Driton Selmanajn.
Për Balaj-Halimajn pak rëndësi ka se ku ulesh.
“Thjesht e kam marrë një letër të protokollit ku duhet të ulem dhe jam ulë aty. Ka filluar mbledhja e kemi mbajtur pastaj i kemi ndryshuar vendet. Për mua fare nuk ka rëndësi ku ulesh, por ka rëndësi veprimtaria se çka bën ti. Është e parëndësishme për mua, mund të ulem te dera apo kudo”, ka theksuar zv.kryeministrja.
