Llogaritë bankare të Telekomit të Kosovës janë bllokuar sërish sot si pasojë e borxhit ndaj Z-Mobile.
Këtë për KosovaPress e ka konfirmuar kryetari i Sindikatës së Punëtorëve të Telekomit Lamih Balaj.
“Po e vërtetë, janë bllokuar xhirollogaritë e Telekomit nga kompania Z-Mobile”, tha shkurt ai.
Media tentoi të marrë një qëndrim edhe nga Telekomi i Kosovës por deri në këto momente nuk i janë përgjigjur kësaj kërkese.
Ndryshe, javë më parë, KosovaPress raportoi për një takim mes përfaqësuesve të Z Mobile dhe Telekomit të Kosovës nën monitorimin e Qeverisë së Kosovës për të gjetur një zgjidhje rreth borxhit prej 23 milionë eurove.