Ish-bashkëluftëtari i Sali Çekajt, Saim Tahiraj, përmes një postimi në Facebook, i ka dhënë në këto momente një mbështetje të madhe kryeministrit të Qeverisë së Kosovës, Avdullah Hoti.
Për Tahirajn, kryeministri i Kosovës përgjatë kësaj kohë që qeverisi me vendin, tregoi shumë maturi, por dhe guxim, që sipas tij, i demantoi të gjithë.
Mes të tjerave, ish-bashkëluftëtari i Sali Çekajt i ka bërë thirrje të parit të Qeverisë së Kosovës që të vazhdojë edhe me tej kështu, gjersa i ka premtuar mbështetje maksimale.
Ja shkrimi i tij në Facebook:
Kryeministër Hoti, të quajtën me lloj-lloj epitetesh por me veprimet tuaja të matura dhe shumë të guximshme i demantove të gjitha!
Të quajtën vasal, por me veprimet tuaja vërtetove të kundërtën, se jeni i palëkundur dhe i pathyeshëm ndaj askujt!
Të quajtën i butë dhe se Kosovës nuk i duhet një kryeministër i tillë, por një kryeministër me muskuj!
Ju e dëshmuat të kundërtën se Kosovës i duhet një kryeministër që punon me kokë e jo me muskuj!
Të quajtën frikacak! Me veprimet tuaja shumë të guximshme vërtetove se je shumë i guximshëm por edhe shumë i matur. Godite pamëshirshëm krimin e organizuar mu në çerdhet e tyre si në; Postë, Doganë, Polici, KEK dhe në shumë pika tjera të krimit!
Na bëre të ndihemi krenarë kryeministër Hoti, vazhdoni tutje kështu se e keni mbështetjen tonë të fuqishme.
