Deputeti i Lëvizjes Vetëvendosje, Mefail Bajqinovci ka reaguar ndaj ministrit të Punëve të Brendshme, Agim Veliu, pasi ky i fundit refuzoi të paraqitet para komisionit parlamentar për siguri dhe mbrojtje.
Bajqinovci përmes një postimi në facebook tregoi se ka kërkuar që të informohet nëse Task Forca Kundërkorrupsion e shuar, ka hetuar apo jo tenderët e MPB-së të kësaj qeverie.
"Ministri i MPB-së nuk po i përgjigjet komisionit për siguri dhe mbrojtje edhe pas ftesës që po i bëhet", deklaroi Bajqinovci, përcjell "Bota sot".
Postimi i plotë
Si anëtar i komisionit për siguri dhe mbrojtje, kam kërkuar që të informohem se kjo Task Forcë Kundërkorrupsion e shuar, ka hetuar apo jo tenderët e MPB-së të kësaj qeverie.
Ministri i MPB-së nuk po i përgjigjet komisionit për siguri dhe mbrojtje edhe pas ftesës që po i bëhet.