Edhe një ministër injoron deputetët

Aktuale

Edhe një ministër injoron deputetët

Më: 27 tetor 2020 Në ora: 11:48
Foto Ilustrim

Ministri i Ekonomisë dhe Ambientit, Blerim Kuçi, nuk ka shkuar për raportim në Komisionin për Ekonomi, Punësim, Tregti, Industri, Ndërmarrësi dhe Investime Strategjike.

Sot në mbledhjen e thirrur Kuçi do të raportonte lidhur me emërimet e fundit në bordet e përkohshme, gjendjen dhe veprimet e Qeverisë në Ndërmarrjen Trepça ShA, për funksionimin dhe operimin e hidrocentraleve.

Deputeti Endrit Shala, ka thënë se raportimi për këto pika do të shtyhet për një ditë tjetër, pasiqë sipas tij, raportimi i ministrit lidhur me këto pika është i domosdoshëm.

Ai ka thënë se prania e zv/ministrave të tjerë nuk është e pranueshme.

Ndërkaq deputetja Mimoza Kusari ka thënë se nëse ministri Kuçi vazhdon ta neglizhojë komisionin, ata nuk do ta votojnë asnjë projektligj.

“Është hera e dytë me radhë që Komisioni e ka ftuar ministrin dhe ai delegon zëvendësministra ta themi publikisht që asnjë tentim tjetër i ministrave të sjellin zv/ministra nuk e pranojmë. Ne i tregojmë ministrit që asnjë projektligj nuk ia votojmë nëse e vazhdon këtë sjellje. Ne i kërkojmë që ta caktojë një datë se kur mund të vije të raportojë”, ka thënë ajo.

Ndërkohë që mbledhja e komisionit ka vazhduar me raportimin e ZRRE-së.

Deputetja Kusari ka pyetur se sa leje të përkohshme janë aktive për sa hidrocentrale.

“Sa inspektime janë bërë nga ZRRE-ja në pjesët ku operojnë hidrocentrale. Kam një raport tuaj për kompaninë KELKOS dhe në këtë raport janë një mori shkeljesh dhe në mesin e tyre është operimi i dy hidrocentraleve pa licencë. Ne të njëjtin raport thuhet se nga këto hidrocentrale është furnizuar me rryme drejtpërdrejtë manastiri i Deçanit. Cilat kanë qenë masat që i ka marrë ZRRE-ja ndaj kompanisë në fjalë për këto shkelje”, ka thënë ajo.

commentFirst article
Sot mund të lexoni Shfletoni kopertinat