Nitaj tregon si mund të bie Qeveria Hoti

Aktuale

Nitaj tregon si mund të bie Qeveria Hoti

Më: 27 tetor 2020 Në ora: 21:04
Muharrem Nitaj

Deputeti i Aleancës për Ardhmërinë e Kosovës (AAK) Daut Haradinaj ka folur mbi raportet e koalicionit qeverisës në kohën kur kryeministri Avdullah Hoti ka vendosur për shuarjen e Task-Forcës antikorrupsion.

Kryetari i AAK-së Ramush Haradinaj ka dalë kundër vendimit të Hotit për task-forcën, e cila është parë si një sinjal që mund të çojë drejt prishjes së raporteve LDK-AAK.

Por, Daut Haradinaj në Prime Time në Kanal 10 ka përjashtuar mundësinë e prishjes së koalicionit, duke thënë se nuk ka probleme në raport me LDK-në, por se partia e Isa Mustafës duhet të reflektojë ndaj vërejtjeve të AAK-së.

“Ky koalicion do të vazhdojë derisa të jetë stabil dhe kur të mos jetë stabil, nuk do të jetë. Ne kemi vërejtjet tona, por ato nuk parë si një goditje për qeverinë, përkundrazi janë mesazh për të reflektuar që vendimet të merren me një unitet të përbashkët. Ne kemi pasur qëndrimet shumë të qarta dhe kritikat kanë qenë për shuarjen e Task-Forcës, por për shembull ju e dini Qeverinë amerikane që reagoi’, ka thënë Haradinaj.

Ndërsa nënkryetari i AAK-së Muharrem Nitaj ka thënë se koalicioni me LDK-në është arritur në bazë të parimit se nuk do të ketë kushte reciproke gjatë qeverisjes.

“AAK do të jetë pjesë e koalicionit deri në momentin nëse prishet ky koalicion. AAK është pjesë e vendimmarrjes, si për shembull në procesin e arritjes së marrëveshjes në Uashington dhe kjo nuk mund të komentohet si ndryshim kursi pa kushte në raport me LDK”, tha Nitaj.

Ai ka folur edhe rreth kandidaturës së Ramush Haradinajt për president, duke përsëritur se Qeveria aktuale nuk do të bie nëse kreu i AAK-së nuk zgjidhet president, por sipas tij do të bie nëse nuk do të zgjidhet një kandidat konsensual për të parin e vendit. 

commentFirst article
Sot mund të lexoni Shfletoni kopertinat