Kryeministri Avdullah Hoti, ka emëruar edhe një këshilltare. Ai ka emëruar Antigona Baxhakun në pozitën e Këshilltares Politike dhe Drejtore të Zyrës për Komunikim me Publikun në Zyrën e Kryeministrit.
Në një postim në Facebook, kryeministri Hoti ka thënë se Baxhaku do të jetë një vlerë e shtuar për Qeverinë, përcjell Bota sot.
Postimi i plotë i Hotit në Facebook:
Ekipit tonë i bashkohet edhe Antigona Baxhaku!
Antigona do të jetë Këshilltare Politike dhe Drejtore e Zyrës për Komunikim me Publikun në Zyrën e Kryeministrit. Me veprimtarinë e saj 22 vjeçare në jetën publike, me theks të veçantë në jetën mediale, konsideroj se ajo do të jetë një vlerë e shtuar për Qeverinë e Kosovës, duke qenë urë e fuqishme komunikimi dhe bashkëpunimi me mediat.
Mediat do të jenë më afër se kurrë me Zyrën e Kryeministrit, pasi që Antigona me eksperiencën dhe gatishmërinë e saj do të jetë adresa adekuate e informimit të saktë e të shpejtë.
