Kreu i Aleancës për Ardhmërinë e Kosovës, Ramush Haradinaj pasditen e sotme është takuar me presidentin e Kosovës, Hashim Thaçi.
Deputeti i VV-së, Fitim Haziri me anë të një postimi ka thënë se, temë diskutimi paska qenë zgjedhjet në Podujevë.
Sipas tij, bashkimi i tyre prodhon krim, korrupsion dhe nepotizëm dhe se kur këta bëhen bashkë, diçka kërcet në dëm të vendit.
Postimi në Facebook:
Presidenti i paska bërë bashkë, ashtu siç janë, të gjithë kastën e vjetër politike. Temë diskutimi paska qenë zgjedhjet në Podujevë. Çka prodhon bashkimi i tyre, e kemi parë tash e 20 vite - krim, korrupsion dhe nepotizëm. Kur këta bëhen bashkë, diçka kërcet në dëm të vendit.
Le të vazhdojnë të jenë bashkë. Bashkimi i tyre nuk iu kryen më punë. Do t'i mposhtim të vetëm, edhe në Podujevë edhe në nivel nacional.
Këtë e dinë edhe ata, prandaj anipse janë të bashkuar, nuk mund ta mposhtin frikën nga zgjedhjet.
Në fakt, kjo frikë po i mban ende të bashkuar edhe për pak kohë.
Përgjigjen do e marrin fillimisht me 29 nëntor në Podujevë, e shumë shpejtë në gjithë Kosovën.