Shefi i Grupit Parlamentar të LDK-së, Arben Gashi, ka thënë se gjasat më të mëdha për t’u bërë president i vendit i ka Isa Mustafa.
Në emisionin Debat Plus, Gashit iu prezantuan disa kandidatë të mundshëm për president, ku përjashtoi nga mundësitë për këtë post, Rexhep Qosjen, Veton Surroin, Nexhat Dacin, ndërsa tha se Isa Mustafa do të ishte kandidati me më shumë gjasa për të marrë votat e nevojshme për të parin e shtetit.
Megjithatë, Gashi tha se për postin e presidentit duhet pajtim dhe koordinim i të gjitha partive politike.
