Është njëri nga akterët kyç për të dhënë propozime se si të luftohet përhapja e COVID-19 në vend. Madje shumica prej rekomandimeve që sot zbatohen në Kosovë vijnë nga Bordi i themeluar nga Qeveria e Kosovës për ta luftuar koronavirusin.
Ky Bord, ndër të tjerash ka rekomanduar që dënimi nuk i kap njerëzit të cilët janë vetëm në veturë e që nuk e kanë të vendosur maskën.
Por një rekomandim të tillë, siç duket nuk po e njeh policia e Kosovës. Nga ky institucion hetimor, para dy ditëve e kanë dënuar pikërisht një anëtar të këtij bordi. Arsyetimi. Nuk kishte maskë, ani pse ishte vetëm në veturë.
E kundër këtij vendimi të policisë ka dal mikrobiologu, Lul Raka.
Ai ka dhënë detaje për këtë rast.
“Në takimin e pardjeshëm njëri nga anëtarët e grupit është dënua që s’ka pas maskë në veturë. Nuk ka logjikë, është i padrejtë. Në veturë kur je vetëm nuk ke nevojë që ta bartësh maskën. Nuk ka logjikë”, është shprehur Raka në T7.
