Ministrja e Kulturës Vlora Dumoshi, sot në emër të Qeverisë së Republikë së Kosovës dhe kryeministrit Hoti, ishte për homazhe në Universitetin e Arteve në Tiranë dhe për t’i dhënë lamtumirën e fundit kolosit muzikor Avni Mula, përcjell “Bota sot”.
Këtë e ka bërë të ditur përmes një postimi në facebook, më tej ka thënë se humbja e tij është humbje për familjen dhe për artin në përgjithësi.
Postimi i plotë:
Me nderimin më të lartë për veprën e tij, në emër të Qeverisë së Republikës së Kosovës sot, kryeministrit Hoti, isha për homazhe në Universitetin e Arteve në Tiranë dhe për t'i dhënë lamtumirën e fundit kolosit muzikor Avni Mula.
Kënga e tij qe frymëzim i atdhedashurisë ndër breza, përbashkim andej e këndej kufirit andaj humbja e tij është humbje për familjen dhe për artin në përgjithësi, kudo ku ka shqiptarë.
I përjetshëm kujtimi për këtë mjeshtër brilant!
