Deputetja e Lidhjes Demokratike të Kosovës Valentina Bunjaku-Rexhepi, i ka dalë në mbrojtje ish-deputetes Melihate Tërmkolli, pas përplasjes që kishte kjo e fundit me avokatin Tomë Gashi, në një debat televiziv.
Bunjaku-Rexhepi ka kritikuar ashpër Gashin, duke e quajtur “avokat militant” dhe duke e akuzuar për shkelje dhe fyerje ndaj Tërmkollit, përcjell Bota sot.
Sipas saj, Tërmkolli mbetet ndër politikanet më të veçanta në skenën politike.
Reagimi i saj në Facebook:
Avokati militant partiak sërish me shkelje. Nuk i mjaftoi fyerja e njeriut që kërkonte lëmoshë në rrugë, as fjalët në studio televizive nga më të rëndat dhe sërish fyen rëndë anëtaren dhe aktivisten e zellshme të LDK-së dhe çështjes së Kosovës, Melihate Tërmkollin, me baza të dënueshme kushtetuese. Tërmkolli mbetet ndër politikanet më të veçanta në skenën politike dhe ne mbrojmë me krenari integritetin e personalitetit të saj.