Edhe lideri i Lëvizjes Vetëvendosje Albin Kurti, ka reaguar pas lajmit për tërmetin në Turqi dhe në Greqi.
Ai ka thënë se është tronditur nga lajmi, duke u shprehur familjeve të viktimave ngushëllime të sinqerta, përcjell Bota sot.
Ish-kryeministri ka uruar që të nxirren të gjallë, ata që gjenden nën rrënoja.
Sipas Kurtit, vetëm solidariteti ndërnjerëzor i del përballë forcës shkatërruese të natyrës.
Reagimi i tij në Facebook:
Tronditës lajmi për tërmetin në Izmir të Turqisë dhe ishujt grek përreth.
Forcës shkatërruese të natyrës i del përballë vetëm solidariteti ndërnjerëzor.
Familjeve të viktimave, u shpreh ngushëllime të sinqerta.
Familjeve të atyre nën rrënoja, uroj t'i nxjerrin të gjallë më të dashurit e tyre.
Vendi ynë solidarizohet me Turqinë e Greqinë, dhe të gjithë ata që janë të prekur nga kjo fatkeqësi natyrore.