Nga komuniteti ashkali thonë se po të mos ekzistonte UÇK-ja, ata nuk do të ishin më në Kosovë.
E konsideron njërin ndër vendet më të shenjta.
Pikërisht për vlerësimin që ka, zv ministri i Kulturës, Qazim Rrahmani i cili i takon komunitetit Ashkali, bën homazhe tek varrezat e dëshmorëve të Ushtrisë Clirimtare të Kosovës në Ferizaj.
Rrahmani mohon kategorikisht pohimet në aktakuzën e Speciales, ku thuhet se ish luftëtarët e UÇK-së kanë kryer krime ndaj pjesëtarëve të këtij komuniteti.
Sipas Rrahmanit, me këto diskutime, Gjykata Speciale po njollos UÇK-në.
Se eprorët e UÇK-së do të dalin të pafajshëm në këto procese, shpreson edhe një anëtar tjetër i komunitetit Ashkali.
Danush Ademi, ish deputet i Kuvendit të Kosovës, thotë se gjatë luftës raportet e tyre me UCK-në kanë qenë të përkryera.
Madje Ademi shtonë se po të mos ishte UÇK komuniteti i tij nuk do të ekzistonte në Kosovë
Në aktakuzën e publikuar nga Dhomat e Specializuara në Hagë, thuhet se ish krerët e UÇK-së kanë kryer krime kundër njerëzimit në 39 lokacione, kundër serbëve, ashkalinjve dhe minoriteteve tjera.
